Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Ырӑ сӑмах ылтӑнтан хаклӑ.
[ваттисен сӑмахӗ]
 

Хыпарсем: Ҫӗнӗ шупашкар

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ҫурла уйӑхӗн 21-мӗшӗнче 22 сехет те 45 минутра Ҫӗнӗ Шупашкарти Ҫамрӑксен урамӗнчи 24-мӗш ҫуртра пӗрремӗш хутри хваттер ҫунма тытӑннӑ. Ҫулӑм телевизора, сӗтел-пукана, япаласене ярса илнӗ.

Хваттерте ҫав самантра икӗ ача пулнӑ: 4 ҫулти арҫын ача тата 2-ри хӗрача. Вӗсене урама чӳрече урлӑ кӑларнӑ. Хӗрача пиҫсе кайнӑ, пульницӑра сипленет. Ҫакӑ паллӑ: пушар вӑхӑтӗнче ачасем килте пӗчченех пулнӑ.

Малтанлӑха палӑртнӑ тӑрӑх, пушар электрохатӗрпе тӗрӗс мар усӑ курнӑран тухнӑ.

Хыпар ҫӑлкуҫӗ: https://t.me/mchs_chuvashia/6787
 

Персона

Ҫӗнӗ Шупашкарта ҫуралнӑ, Раҫҫейри паллӑ актер пулса тӑнӑ ентеше ЧР Элтеперӗ ЧР тава тивӗҫлӗ артисчӗн ятне панӑ. Сӑмах — Анатолий Гущин пирки. Хушӑва ҫурлан 16-мӗшӗнче алӑ пуснӑ.

47-ри актер халӗ Мускавра пурӑнать. Хӑй вӑхӑтӗнче вӑл спутник хулари 10-мӗш шкулта вӗреннӗ, унтан Мускаври Щепкин ячӗллӗ аслӑ театр училищине кӗнӗ. Нумайӑшӗ ӑна 8 сериллӗ «Приключения солдата Ивана Чонкина» камит фильмӗ тӑрӑх пӗлет. Вӑл унта пӗр кадрта чӑвашла та юрлать.

 

Культура

Шупашкарӑн 555 ҫулхи юбилейӗ тӗлне Чӑваш кӗнеке издательстви кӗнеке-альбом кӑларнӑ. Вӑл - вырӑсла тата чӑвашла. Пӗтӗмпе - 44 страница.

Кӗнеке авторӗ - географи ӑслӑлӑхӗсен кандидачӗ Зоя Трифонова. Умсӑмаха тата хыҫсӑмаха Владимир Степанов ҫырнӑ. Ӳнерҫи - Наталия Орлова.

Кӗнекере Шупашкарӑн историне 1469 ҫултанпа ҫырса панӑ.

Хыпар ҫӑлкуҫӗ: https://vk.com/wall-194537172_16178
 

Хулара
Олег Николаевӑн Телеграм-каналӗнчи сӑн
Олег Николаевӑн Телеграм-каналӗнчи сӑн

Ҫурла уйӑхӗн 17-мӗшӗнче, паян, Шупашкара 20 ҫӗнӗ троллейбус килсе ҫитнӗ. Вӗсем республика займ мелӗпе илнӗ 92 троллейбусран пӗрремӗшӗсем.

Килсе ҫитнӗ транспорта Ҫӗнӗ Шупашкара панӑ. Ку спутник хулари транспорта ҫӗнетме ҫителӗклине пӗлтернӗ.

Ҫулталӑк вӗҫлениччен республикӑна автономлӑ майпа ҫӳрекен 72 троллейбус килсе ҫитмелле. Вӗсенчен 59-шӗ Шупашкарпа Ҫӗнӗ Шупашкара ҫыхӑнтаракан 60-мӗш тата 61-мӗш маршрутсем ҫинче ӗҫлӗҫ.

Хыпар ҫӑлкуҫӗ: https://t.me/oanikolaev
 

Вӗренӳ
cap.ru сӑнӳкерчӗкӗ
cap.ru сӑнӳкерчӗкӗ

Раҫҫейри чи лайӑх вӗрентекенсене хавхалантарӗҫ. Вӗрентекен кунӗ тӗлне вӗсене 200 пин тенкӗ парӗҫ.

Вӗсен йышӗнче - Чӑваш Енри 11 педагог.

200 пин тенке Шупашкарти Татьяна Андреева, Михаил Зыков, Александр Григорьев, Елена Михайлова, Алевтина Калинина, Ирина Диарова, Анжелика Панкратова, Ҫӗмӗрле округӗнчи Татьяна Надеева, Йӗпреҫ округӗнчи Алена Ядрицова, Элӗк округӗнчи Альжбета Краснова, Ҫӗнӗ Шупашкарти Екатерина Владимирова тивӗҫӗҫ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Ҫӗнӗ Шупашкарти Чӑрӑшлӑх ращинчи 6-мӗш рортӑн Астӑвӑм аллейинче пӗр десантник портретне ватнӑ тесе халӑх тетелӗнче маларах пӗлтернӗччӗ-ха.

Чӑваш Енӗн Шалти ӗҫсен министерствинче пӗлтернӗ тӑрӑх, йӗрке хуралҫисем тӗрӗсленӗ те портрета ҫын сиенлеменнине палӑртнӑ. Пластикран хатӗрленӗ портрет вӑйлӑ ҫилпе япӑхнӑ. Утӑ уйӑхӗн 25-мӗшӗнче ӑна ращӑра ӗҫлекен хӗрарӑм юсама хӑтланнӑ, анчах май килмен. Халӗ плаката юсама илсе кайнӑ. Ҫӗнетнӗ хыҫҫӑн ӑна каялла вырнаҫтарса хурӗҫ.

 

Республикӑра
Телеграмри t.me/alenaelizarova каналтан илнӗ сӑнӳкерчӗк
Телеграмри t.me/alenaelizarova каналтан илнӗ сӑнӳкерчӗк

Кӳкеҫри ваттисемпе инвалидсен интернат-ҫуртӗнче ҫӗнӗ директор ӗҫе пуҫӑннӑ. Директор тилхепине Гузель Ивановӑна тыттарнӑ.

Республикӑн ӗҫ тата социаллӑ хӳтлӗх министрӗ Алена Елизарова Телеграмри хӑйӗн страницинче пӗлтернӗ тӑрӑх, ҫӗнӗ пуҫлӑхпа коллектива паян паллаштарнӑ.

Гузель Иванова 10 ҫул ытла Ҫӗнӗ Шупашкарти социаллӑ реабилитаци центрӗнче тӑрӑшнӑ, кайран асӑннӑ хулари 12-мӗш ача пахчин заведующийӗнче ӗҫленӗ. Министр палӑртнӑ тӑрӑх, Гузель Иванован ӗҫе ертсе пырас опыт пысӑк.

Хыпар ҫӑлкуҫӗ: https://t.me/alenaelizarova/2156
 

Вӗренӳ
62-мӗш вӑтам шкул сайтӗнчен илнӗ сӑнӳкерчӗк
62-мӗш вӑтам шкул сайтӗнчен илнӗ сӑнӳкерчӗк

Чӑваш Енри педагогсене — тӗрлӗ конкурс ҫӗнтерӳҫисене — преми парса хавхалантарма йышӑннӑ.

150 пин тенке Ҫӗнӗ Шупашкарти 18-мӗш лицейри истори учителӗ, «Чӑваш Енри ҫулталӑк учителӗ» Артём Максимов тивӗҫнӗ. Улатӑрти «Теремок» 1-мӗш ача пахчинче воспитательте ӗҫлекен Любовь Дубровскаяна, «Чӑваш Енри ҫулталӑк воспитательне», 100 пин тенкӗ пама йышӑннӑ.

50-шар пин тенке Шупашкар муниципаллӑ округӗнчи Тренккассинчи вӑтам шкулти класс ертӳҫине Анна Степановӑна, Шупашкарти 2-мӗш вӗпенӳ центрӗн социаллӑ педагогне Дария Волковӑна, Шупашкарти 23-мӗш ача пахчинчи Анастасия Степанова педагог-психолога, Ҫӗнӗ Шупашкарти 6-мӗш гимназин директор ҫумне Александр Карпова, Шупашкарти сывлӑх енчен хавшак ачасен 2-мӗш шкулӗнчи музыка учительне Наталья Яровӑна, Сывлӑх енчен хавшак ачасен вӗренӳ центрӗн тьюторне Галина Степановӑна, Шупашкарти 59-мӗш вӑтам шкулти пуҫламӑш классен учительнеКарина Гордеевӑна, Шупашкарти 205-мӗш ача пахчин учитель-логопедне Екатерина Мурчинӑна, Шупашкарти 62-мӗш вӑтам шкулти чӑваш чӗлхи тата литературин учительне Людмила Николавӑна парӗҫ.

 

Вӗренӳ
darminaopel.ru сайтри сӑн
darminaopel.ru сайтри сӑн

Республикӑра Патшалӑхӑн пӗрлехи экзаменӗсен кӑтартӑвӗсем лайӑх. Статистика кӑтартнӑ тӑрӑх, 64 ҫамрӑк 68 экзаменра 100 балл пухнӑ.

Чи лайӑх кӑтартусем ытларах Ҫӗнӗ Шупашкарта, Канашра, Патӑрьел тата Вӑрнар муниципаллӑ округӗсенче пулни паллӑ.

Тата ҫакна палӑртмалла: шкултан вӗренсе тухакансем физикӑпа, математикӑпа, литературӑпа, акӑлчан чӗлхипе ППЭре чи пысӑк балсем тӑтӑшах илме пуҫланӑ.

 

Политика
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Паян Ҫӗрпӳ муниципаллӑ округӗн пуҫлӑхн ҫумӗ пулса 53 ҫулти Ольга Чепрасова ӗҫлеме тытӑннӑ. Вӑл вӗрентӳпе тата социаллӑ ӗҫпе ҫыхӑнну ыйтусемшӗн явапли пулӗ.

Вӑл хӗрарӑм 2020 ҫулхи чӳк уйӑхӗнченпе Шупашкар мэрӗн социаллӑ ыйтӑвӗсемпе ӗҫлекен ҫумӗ пулнӑ, 2017-2020 ҫулсенче — Ҫӗнӗ Шупашкар администрацийӗн пуҫлӑхӗ.

Хыпар ҫӑлкуҫӗ: https://t.me/adm_zivil/3836
 

Страницӑсем: 1 ... 6, 7, 8, 9, 10, 11, 12, 13, 14, 15, [16], 17, 18, 19, 20, 21, 22, 23, 24, 25, 26, ... 207
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.11.2025 15:00) тӗтреллӗ ҫанталӑк, атмосфера пусӑмӗ 757 - 759 мм, 1 - 3 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Пултарулӑхпа, психологипе е медицинӑпа ҫыхӑннӑ ӗҫ сире социаллӑ статуса ӳстерме пулӑшӗ. Парӑмсемпе, кредитсемпе, налуксемпе ҫыхӑннӑ ыйтусем татӑлӗҫ. Эсир укҫапа ҫыхӑннӑ ӗҫсене лайӑх пурнӑҫласа пыратӑр. Ҫутҫанталӑка тухни, шыв процедурисем, сывлӑха ҫирӗплетмелли массаж курсӗ тата спорт сывлӑха тата нерв тытӑмне лайӑх витӗм кӳрӗҫ.

Чӳк, 30

1892
133
Лява Платтунӗ, чӑваш сӑвӑҫи, ҫыравҫи, тӑлмачӗ ҫуралнӑ.
1906
119
Базанов Николай Петрович, Пӑрачкав сӑвӑҫи ҫуралнӑ.
1906
119
Бусыгин Николай Иванович, Пӑрачкав сӑвӑҫи, тӑлмачӗ ҫуралнӑ.
1918
107
Чӗмпӗрти РКП(б) губкомра чӑваш секциӗ йеркеленнӗ.
1926
99
Мулюков Геннадий Фёдорович, чӑваш таврапӗлӳҫи, вӗрентекенӗ ҫуралнӑ.
1967
58
Чӑваш патшалӑх университетне И.Н. Ульянов ятне панӑ.
2000
25
Патшалӑх Канашӗ Чӑваш Республикин Конституцине йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
ӑсатма тухни — ҫылӑх, юрамасть
хӑнана ӑсатма никам та тухмасть
пӗтӗм кил-йышпа тухаҫҫӗ
хуть те кам тухсан та
кил-йышри арҫын
хуҫа арӑмӗ
хӑни ҫулне ахаль те пӗлет, ӑсатмасӑр та
хуҫа тарҫи
хуҫин ҫитӗннӗ ачисем